kolontsaina

HORONANTSARY GISA MAINTY Tena nankafizin�ny mpijery

kolontsaina
Zoma 21 Aprily 2017

Fahombiazana tanteraka no azon�ny tranom-pamokarana Scoop digital nandritra ny famoahany voalohany ilay horonantsary �Gisa mainty� teto an-drenivohitra tamin�ny Alatsinain�ny Paska lasa teo.

Vao maraina, tamin’ny 7ora sy sasany dia efa nanomboka ny filaharana tetsy amin’ny Ritz, tamin’ny 9 ora ny tao amin’ny Roxy. Voatery nampiditra in-telo avy ny tao amin’ny Ritz sy Rex ary in-droa ny tao amin’ny Roxy. Mbola marobe ireo niverim-potsiny noho ny filaharana lavareny. Efa tamin’ny 6 ora hariva vao nandeha ny fidirana fahatelo nefa dia maharitra 80 mn mahery no faharetan’ny tantara. Afa-po tamin’ity tantara iray manatsikafona ny fanao ratsin’ireo mpanao politika ity ny mpijery tamin’ny ankapobeny. Vao teo amin’ny teny fampidirana dia efa tafita ny hafatry ny mpanoratra ka nihoraka avokoa ny mpijery. Anisan’ny tena nanitikitika ny mpijery ny zavatra iainany amin’ny andavanandro ateraky ny resa-politika eto amin’ny firenena. Hitohy any amin’ny faritra ny fampahafantarana ity sarimihetsika ity. Azon’ireo fikambanana samihafa atao tsara koa ny manao azy ho hetsika fitadiavam-bola.

Pati