kolontsaina

Hiragasy makotrokotroka eny Ambohijatovo Mpijery 3.000 isaky ny alahady no andrasana

kolontsaina
Alatsinainy 17 Jolay 2017

Raikitra indray ilay hetsika hiragasy makotrokotroka, fanao isaky ny vakansy lehibe tahaka izao eny amin’ny zaridainan’Andohalo.

Notanterahina nanomboka omaly alahady 16 jolay folakandro indray izy io, rehefa nafindra eny amin’ny zaridainan’Ambohijatovo noho ny asa fanamboarana karakarain’ny Haigasy Production. Maimaimpoana ny fijerena izany, tsy misy vidim-pidirana hetsika hitohy isaky ny alahady folakandro mandrapahatonga ny fiandohan’ny volana aogositra ho avy izao. Tanjona ny hanandratana ny soatoavina Malagasy ka hampahafantarana amin’ny rehetra fa anisan’ny kolontsaina sady fitaizana efa nisy teto amintsika fony faha mpanjaka ny hiragasy ka tsy tokony ho tompon-trano mihono ny rehetra. Ireo ankizy sy tanora ankehitriny no kendrena hahazo tombontsoa manokana, amin’ny alalan’ny anatra sy fampianarana entin’ny hiragasy. Tsiahivina moa fa hisy ny fifaninanana hampanaovina ireo mpanao hiragasy mandritra izany ka izay mendrika indrindra no hibata ny amboara. Manodidina ny 3.000 isa isan-kerinandro kosa ny mpijery andrasana.

Pati