kolontsaina

Harambaton-kevitra ho an’ny faha 60 taona Nandinika momba ny doro-tanety sy fandrobana harem-pirenena

kolontsaina
Talata 08 Desambra 2020

Nitohy ny sabotsy teo tetsy amin’ny Arrupe Faravohitra ny harambaton-kevitra ho

an’ny faha 60 taona, izay tarihin’ny hetsika Kristianina HFKF. Ny mikasika ny doro-tanety sy ny fandrobana ny harem-pirenena indray no nodinihina tamin’ity indray mitoraka ity, raha ny fanazavan’ny tomponandraikitra, Aristide Razafindramaro. Nisy ny famelabelaran’ny manampahaizana momba ny anton’izany moa nialohan’ny fifanakalozan-kevitra. Ny 21 oktobra moa no nanombohana ity hetsika ity ary ny 12 desambra kosa no hifaranany. Hisy fehin-kevitra hivoaka, araka izany, aorian’izay ary iny no entina handresana lahatra ny mpisehatra rehetra amin’ny raharaham-pirenena. Ho zaraina amin’ny olon-drehetra avy eo izany ahafahan’ny tsirairay mandray ny andraikitra tandrify azy, hoy hatrany ny fanazavana.

J. Mirija