kolontsaina

Guy Laurent Ramanakamonjy Hohamoraina ny fahazoana loharanom-baovao

kolontsaina
Sabotsy 28 Jolay 2018

Nivoaka indray ny gazety boky Trandraka laharana fahatelo. Nifantoka tamin`ny fanjakana tsara tantana sy zon`olombelona indray ny lohahevitra tamin`ity andiany ity.

Araka ny nambaran`ny sekretera jeneralin`ny minisiteran’ny serasera sy fifandraisana amin’ny andrim-panjakana, Guy Laurent Ramanakamonjy dia manome toky ny minisitera mba hiroso amin’ny fifanakalozan-kevitra hanamorana ny fahazoan’ny mpanao gazety loharanom-baovao. Manana vina hamolavola lalàna mifanandrify amin`ny fahazoana loharanom-baovao. Handray anjara ihany koa ireo tompon’andraikitra tokony hanome loharanom-baovao ary hamaritra ny vaovao azo omena sy trandrahina io lalàna hovolavolaina io saingy tsy manohintohina ny tsiambaratelon`ny asa any amin`ireo sehatra isa-tsokajiny Tsiahivina fa fiaraha-miasan`ny UNESCO amin`ny holafitry ny mpanao gazety eto Madagasikara (OJM) sy ny minisiteran`ny serasera ity tetikasa ity. Mamatsy vola ny tetikasa IDIRC ny “Fonds pour la consolidation de la paix ». Mba ho orinasan-tseratsera manaitra ny sain`ny mpitondra fanjakana handray ny andraikiny manoloana ny fomba fanao tsy mendrika ataon`ny tompon’andraiki-panjakana sasantsasany sy ireo manodidina azy ka mambotry firenena no tanjon`ny tetikasa.

Marigny A.