kolontsaina

Foko Antandroy sy Antanosy Nifanao dinam-pihavanana

kolontsaina
Talata 05 Desambra 2017

Voavaha ny olana teo amin’ny foko Antandroy sy Antanosy tany Taolagnaro noho ny fametrahana ny “dinam-pihavanana” izay fomba fampihavanana vaovao napetraky ny komitin’ny fampihavanana Malagasy na CFM,

hoy ny filohany Maka Alphonse, omaly. Efa milamina koa ny toe-draharaha any Andrakaraka, kaominina Taolagnaro, faritra Anosy amin’ izao fotoana. Mitohy ny asa fampihavanam-pirenena ataon’ny CFM ary tsy mijanona eto an-drenivohitra fa midina eny fotony, hoy hatrany ny fanazavany. Tsiahivina moa fa nisy olana teo amin’ireto foko 2 ireto noho ny fikasihan-tanana izay niafara tamin’ny famoizana aina ny 06 novambra teo tao Andrakaraka, kaominina Taolagnaro. Ankoatra ny fametrahana ny fomba amam-panao antsoina hoe “Tafaraha” dia ny fametrahana ny dinam-pihavanana no vahaolana nentin’ny CFM tany an-toerana rehefa nahita ny disadisa nisy tamin’ireo foko ireo. Nomen’ireo Raiamandrenibe avy any an-toerana tso-drano manokana moa ny filohan’ny CFM, raha ny fampitam-baovao hatrany.

J. Mirija