kolontsaina

Fitokanana ny Rova Nanao antso avo ny Filoha

kolontsaina
Zoma 06 Novambra 2020

“Tafajoro indray Anatirova ankehitriny, 25 taona aty aoriana rahefa may ny 06 Novambra 1995. Koa asaiko manokana ianao izay lavitra sy manaraka etoana amin'ireo fitaovan-tserasera rehetra mba hanaraka mivantana ny lanonana eny

Anatirova rahampitso 06 novambra 2020 manomboka amin'ny 10 ora maraina. Fa ireo lasa lavenona dia nitsangana indray mba hamelona ny hambompom-pirenena sy ny fitiavan-tanindrazana ao am-pontsika Malagasy. Masina ny Tanindrazana», hoy i Andry Rajoelina tao amin’ny tambajotran-tseraserany omaly. Andrasana izay ho endri-pitokanana sy ho fizotry ny lanonana anio, fa raha ny omaly aloha nifanindran-dalàna tamin’ny lanonam-pandraisana ny satroboninahitry ny fiandrianan’ny mpanjaka, dia mbola nipatrapatraka ihany koa ny fanamelohana ny fananganana ny Kianja Masoandro ao anaty rova.

Toky R