kolontsaina

Fiombonan’ny tany mampiasa ny teny frantsay Hampahaleotena ny vehivavy

kolontsaina
Talata 27 Martsa 2018

Nosokafana tamin’ny fomba ofisialy omaly tetsy amin’ny foiben’ny fiombonan’ireo tany mampiasa manontolo na amin’ny ampahany ny teny frantsay (OIF) etsy Antaninarenina ny atrikasam-paritra mikasika ny tokony ho fomba fiasa vaovaon’ireo tany miray vondrona ao amin’ny OIF.

Araka ny fanazavan’ny masoivohon’ny OIF eto amintsika, Malik Saar, dia hatao laharam-pahamehana ny fampandrosoana ifotony ireo firenena mikambana ao anatin’ity rafitra ity. Anisan’ny ifantohana bebe kokoa amin’izany ny fampitovian-jo ny lahy sy ny vavy izay mbola hita ho marefo eto amintsika, raha ny fanazavana hatrany, ka tanjona ny hananan’ireo andriambavilanitra fahaleovantena bebe kokoa. Izany indrindra no antony hametrahana ity tetikasa antsoina hoe « Programmation » ity izay heverina ho tafapetraka mandritry ny taona 2019 ka hatramin’ny taona 2022 aorian’ny fihaonamben’ny frankofonia faha-17 izay hatao any Erevan, Armenie. Delegasionina miisa 84 no handrasana amin’io fotoana io.

J. Mirija