kolontsaina

Fikambanan’ny mpikabary malagasy Mbola hanandratra ny kolontsaina Malagasy

kolontsaina
Alarobia 12 Jona 2019

Hamarana ny faha-55 taonany ny 28 jona izao ny fikambanan’ny mpikabary Malagasy na FIMPIMA.

Nampatsiahivina fohy tetsy amin’ny foibeny eto Antananarivo etsy Antsahavola omaly ny lalana nodiavin’ity fikambanana ity tao anatin’izay taona maro izay. 14 mirahalahy, hoy ny filohan’ny Fimpima maneran-tany, Hanitra Andriamboavonjy, no nanorina ny fikambanana fa ankehitriny kosa dia efa an’arivony ireo mpikambana. Nampivoatra sy nampiaina, nanandratra ary mbola hanandratra ny kolontsaina Malagasy amin’ny alalan’ny Kabary no tanjona fototra. Efa niova in-3 koa ny anarana dia ny hoe firaisan’ny mpikabary eto Madagasikara. Avy eo fikambanan’ny mpikabary eto Madagasikara saingy nony hita fa saika maneran-tany mihitsy no liana amin’ny kolontsaintsika dia lasa fikambanan’ny mpikabary Malagasy ny Fimpima, hoy ny fanazavana. Etsy amin’ny Akademia Malagasy etsy Tsimbazaza moa no hanombohana ny fankalazana io famaranana io ary hofaranana amin’ny alin’ny kabary Malagasy etsy amin’ny Carlton Anosy izany ny alina.

J. Mirija