kolontsaina

Fikambanana C’ArtBon Plum’Art, Varatava

kolontsaina
Alarobia 18 Novambra 2020

Nisitraka tan-tsoroka momba ny asa tanana

Tontosa ny atrikasa hanohanana ireo mpanao asa tanana amin’ny fikambanana C'ArtBon, Plum'Art sy Varatava misehatra ao anatin’ny sampam-pamokarana « peinture-photographie-art graphique ». Niara-nisalahy ny Foibem-pitondrana ankapobeny misahana ny Asatanana (DGA) teo amin’ny Minisiteran’ny Varotra sy Indostria ary ny Asa tanana (MICA) sy ny Ivon-toerana Nasionalin’ny Asa tanana Malagasy (CENAM). Niompana manokana tamin’ny kolontsain’ny fandraharahana, ny fitantanana ny lalam-barotra, ny dingana mifanaraka amin’ny fanondranana ary ny sehatra matihanina ny fifanakalozana nandritra ny atrikasa natao. Nifarana tamin’ny fizarana ny karatry ny mpanao asa tanana miisa 20 ary fizarana ny taratasy fanamarinana ny fandraisana anjara tamin’ny atrikasa ho an’ireo mpanao asa tanana nisitraka izany, hoy ny fampitam-baovao.

Toky R