kolontsaina

Fikambanana Ambalambahoaka Vita ny fampihavanana teo amin’ny samy mpikambana

kolontsaina
Talata 27 Martsa 2018

Ny taona 1991 no niorina voalohany teto amintsika ny fikambanana Ambalambahoaka.

Nandritra izay fotoana izay anefa dia nataon’ny sasany tohatra fiakarana sy nampiadiany fotsiny ny samy mpikambana, hoy ny mpitarika ny fikambanana, antony nahatonga saina azy ireo ka nanatanterahany ilay fampihavanana. Efa niravona tanteraka ny olana ankehitriny, raha araka ny fanazavan’izy ireo hatrany ary efa samy vonona ny hiroso amin’ny fampandrosoana ny rehetra ankehitriny izay tsy hijanona ho azy ireo irery ihany fa hiitatra eny anivon’ny fiarahamonina mihitsy. Ny taona 2013 no tafajoro ara-panjakana ny fikambanana ary efa miparitaka manerana ny Boriborintany enina eto an-drenivohitra sy any amin’ny Faritra. Nankalaza ny fahadimy taona niorenany ny fikambanana ny sabotsy teo. Fiaraha-misakafo sy fiaraha-midinika ireo karazana paikady hahafahana mampandroso sy manatsara ny fikambanana no nivoitra nandritra izany, notarihin’ny solontenan’ny lehiben’ny Faritra Analamanga.

Pati