kolontsaina

Fifaninanana robotika iraisampirenena Nahazo fanampiana avy amin’ny filoha ny ekipa Malagasy

kolontsaina
Alarobia 12 Oktobra 2022

Nihaona tamin’ny Talen'ny Kabinetra eo anivon'ny Fiadidian’ ny Repoblika Rtoa Baomiavotse Vahinala Raharinirina omaly ireo tanora hisolo tena an’i Madagasikara amin’ny Fifaninana Iraisam-pirenena momba ny Robotika,

na First Glogal Challenge izay hatao any Genève, ny 13 ka hatramin’ny 16 oktobra ho avy izao. Nampita ny tso-drano ho azy 5 mianadahy sy ny mpanazatra azy ireo ny Filoham-pirenena ary nanolotra fanampiana ho an’ny ekipa ihany koa. Mahafinaritra sy mahavelom-bolo tokoa ny mahita ireto zaza Malagasy, tia teknolojia sy Tontolo iainana, tia matematika sy mikirakira solosaina, tia karokaroka sy kajikajy…Handeha hifaninana amin’ny tanora avy amina Firenena 150, anaty sokajy 15 - 18 taona, momba ny Robotika izy ireo araka izany. Miandahy miambavy rahateo ny delegasionantsika Malagasy ka ny telo amin’ireo dia tovovavy kely vao misandratra avokoa.
Nangonin’i Pati
Legende : Izy fito mianadahy notronin-dRtoa Baomiavotse Vahinala