kolontsaina

Fifaninanan-kira karakarain’ny AFT Amin’ny 02 septambra ny fifanintsanana voalohany

kolontsaina
Alakamisy 03 Aogositra 2017

Hotontosaina ny 02 septambra ho avy izao ny fifanintsanana voalohany amin’ilay fifaninanan-kira amin’ny fiteny Frantsay, karakarain’ny AFT etsy Andavamamba.

16 taona no zandriny indrindra afaka mandray anjara amin’izany. Araka ny fanazavana azo, afaka mindrana ireo karazan-kira amin’ny fiteny Frantsay izay efa fantatra ireo mpifaninana raha azo hatao ihany koa ny mamorona hiran’ny tena manokana mihitsy. Ny 26 aogositra ho avy izao no hifarana ny fisoratana anarana, raha ny 17 septambra kosa no hanaovana ny fifanintsanana farany, ho an’ireo nivoaka ho mpandresy isam-paritra. Tsy mijanona ho an’ireo mpikambana ao amin’ny Alliance Française eto Antananarivo ihany moa ny hetsika, fa misandrahaka manerana ny Nosy mihitsy. Tanjona ny hahafahana mampiala voly ireo ankizy sy tanora tsy afaka mandeha manao vakansy, amin’izao fotoam-pialan-tsasatra lehibe izao. Eo ihany koa ny mba hahafahana mitrandraka talenta vaovao. Hisy ny loka hatolotra ho an’izay mpifaninana hibata ny amboara

Pati