kolontsaina

Fifaninana maneran-tanin’ny robotika Ny Malagasy no nahazo fankasitrahana betsaka indrindra

kolontsaina
Alatsinainy 02 Novambra 2020

Nivoaka ny sabotsy 31 oktobra lasa teo ny valin’ny lalao olympika eo amin’ny tontolon’ny robotika natokana ho an’ny tanora latsaky ny 18 taona. Laharana faha-5 tamin’ny firenena 190 nifaninana i Madagasikara

. Nisolo tena ny Malagasy tamin’izany i Tahiry Manantsiory Randrianjatovo, Radolaza Léondaris Rafaliniaina, Cynthia Ambinintsoa, Zo-Hary Ralamboharisoa, ary Tiantsoa Razafindrakoto. I Adrienne Irma Rabemanantsoa sy Mendrika Nomenanjanahary Rarananiriana kosa no “mentor” na mpanazatra nanome tan-tsoroko ho an’ny ekipantsika. I Madagasikara no nahazo ny marim-pankasitrahana betsaka indrindra tamin’ireo firenena rehetra nanao ny fifaninana. Faha-3 tamin'ny International Journey na Sofia Kovalevskaya Award, azon'ireo ekipa telo mendrika indrindra nahavita an-tsakany sy an-davany ny fifaninanana, ka nahazoana ny medaly alimo. Azontsika ihany koa ny “Outstanding Mentor Award”, tamin’ny alalan'ireo mentors-n'ny ekipantsika, dia i Adrienne sy i Mendrika. Anatin'ny ekipa 52 nahazo mari-pankasitrahana manokana ny ekipa nasionaly malagasy. Faha-5 tamin'ny isa niangona nandritry ny 3 volana nanaovana ny fifaninana isika, izay hoe io no filaharana ankampobeny, izay tsy mampitsanga-menatra an’I Madagasikara,, ary saika any aorinantsika avokoa ireo firenen-dehibe matanjaka sy fanta-daza amin’ny tontolon’ny teknolojia. Nisy ny lanonana natao tao amin’ny tranoben’ny ORTM Anosy nahafahana nanaraka mivantana ny lanonam-pamaranana ny « First Global Challenge » ny sabotsy teo. toy izany ihany koa izao lanonam-pamaranana iraisam-pirenena izao. « Mirehareha izahay manana anareo. Ny Minisiteran’ny Serasera sy ny Kolontsaina rehefa manohana dia manohana hatramin’ny farany », hoy ny Minisitra Lalatiana Ratondrazafy, izay teny an-toerana.

Toky R