kolontsaina

Fiarovana ny harena voajanahary Nankasitrahan’ny Amerikana ny Dr Harisoa R

kolontsaina
Alakamisy 28 Janoary 2021

Notoloran’ny ambasady Amerikana ny fankasitrahana “Champions of Madagascar

Mpiaradia Award” ny Dr. Harisoa Ravaomanalina omaly noho ny fanoloran-tenany amin’ny fiarovana ny harena voajanaharin’i Madagasikara. “Tena mahafaly anay tokoa ny miara-miasa aminao, fa toy ny “Mpirahalahy mianala isika”, amin’ny fiarovana ny harena voajanaharin’i Madagasikara ho an’ny taranaka ho avy.” hoy ny Ambasadaoro Pelletier nandritra ny lanonana tsotsotra natao. Efa hatramin’ny taona 2018, i Dr. Harisoa no niketrika ny fananganana ny trano fanovozan-kevitra ho an’ny hazo sarobidy, voalohany indrindra eto Madagasikara. Izao ezaka vitany izao dia hanampy ny manam-pahefana Malagasy amin’ny ady atao amin’ny fanondranana an-tsokosoko hazo sarobidy, sy hahafantaran’izy ireo ny karazan-kazo misy, hoy ny eo anivon’ny Masoivoho Amerikana.

Toky R