kolontsaina

Fiarovana ny alan’Ankarafantsika Hampifandrindrana amin’ny fomban-drazana ny stratejia

kolontsaina
Alatsinainy 31 Aogositra 2020

Nametraka stratejia vaovao entina hiarovana ny alan’Ankarafantsika sy ny manodidina azy ny minisiteran’ny tontolo iainana sy ny fampandrosoana lovain-jafy miaraka amin’ny Madagascar National Park. Izy io, raha ny fanazavana,

dia hampifandrindrana amin’ny fomban-drazana misy ao an-toerana mba hahafahan’ireo mponina ho marisika amin’ny fandraisana anjara amin’ny fiarovana ity ala ity. Nisy noho izany ny fifanarahana nifanaovan’ireo vondron’olona ao an-toerana sy ireto tomponandraiki-panjakana sy rafitra lehibe ireto. Teo ny mpanjakan’i Boeny, ny solontenan’ireo vondrona misy ao Ankarafantsika, ny solontenan’ireo mponina ifotony, ny ben’ny tananan’ireo kaominina manodidina, ny oniversiten’i Mahajanga, ny lehiben’ny distrika, ny governoran’ny faritr’i Boeny, ny depiote voafidy tao an-toerana, ny minisitra tomponandraikitra ihany koa. Isan’ny tanjona fototra ny hampihena haingana indrindra ny doro ala sy tanety ao an-toerana, raha ny fampitam-baovao voaray hatrany.

J. Mirija