kolontsaina

Fiangonana manamboara vatsy Mpitandrina fito mianadahy no nosorana ho misionera

kolontsaina
Alarobia 03 Oktobra 2018

Tontosa ny faran’ny herinandro teo ny fankalazana ny tsingerin-taona fahafolo niorenan’ny fiangonana « Manamboara Vatsy » notanterahina teny amin’ny kianja mitafon’Ankorondrano.

Nosantarina ny sabotsy 29 septambra tontolo andro ny fankalazana tamin’ny fanosorana ny Révérend Andriamahefa Vola sy ireo Loholona 8 mianadahy ary fanokanana Diakona miisa 33. Hiara-kiasa amin’ny Evanjelistra Maminirina Roland Guy amin’ny fanatanterahana ny asan’Andriamanitra eo anivon’ny fiangonana izy ireo. Notohizana ny alahady 30 septambra ny fankalazana ka mpitandrina fito mianadahy no nohosorana ary Misonera 13 sy Mpiandry 25 no notokanana. Marihina fa ireo Mpiandry ireo no miasa ao anatin’ny Sekoly Fanasitranana izay hitsaboana ireo olona manana olana na koa hampahorian’ny fanahy ratsy isaky ny talata sy alakamisy ao amin’ny foiben’ny Fiangonana « Manamboara Vatsy » etsy Andranobevava. Mampiavaka ireto nohosorana sy notokanana tamin’ny alahady ireto raha oharina amin’ireo tamin’ny sabotsy dia izy ireo hiasa ivelan’ny fiangonana handeha hanao tafika masina. Tafiditra ao amin’izay fanitarana ny fanjakan’Andriamanitra izay ihany koa ny nananganana ny “Emmanuel radio” efa miparitaka amin’ny faritra hafa.

Pati