kolontsaina

Festival Lampogno Tadiavina mpanao politika hosomparana

kolontsaina
Sabotsy 05 Aogositra 2017

Nampahafantarina tetsy amin’ny tranom-bokim-pirenena etsy Ampefiloha ny alakamisy teo ny fandaharam-potoana mandritry ny andiany faha 10 amin’ny festival Lampogno izay hatao any Antsohihy ny 24 ka hatramin’ny faha 27 aogositra izao.

Mifono firaisankina sy fihavanana, hoy ny fanazavan’I Jean Rigo Randriamaniraka, isan’ireo mpikarakara, ny hetsika hatao ary miseho amin’ny endrika asa an-tana-maro sy iombonana saingy tsy nisy tambiny fa zava-pisotro mahamamo nentim-paharazana, toy ny betsabetsa no hifankasitrahana mba ho mariky ny fifanajana. Amin’ny maha Tamboroho ny lohahevitra amin’ity indray mitoraka ity kosa dia miampy sakafo izany. Hetsika ara-kolontsaina sy fanatanjahantena maro mampiavaka iny faritra iny moa no isan’ny andravahana ny hetsika ary ny tarika Jean Rigo sy Grand maitre Tianjama no hanokatra ny lanonana. Nilaza i Jean Rigo fa tato ho ato dia nisy mpanao politika ninia manao hetsika hafa izay efa hita fa hamotehana ity hetsika ity ary mivoana amin’ny kolontsain’ny fihavanana sy firaisankina mihitsy, hoy izy, satria n any anarany aza dia mivoy fifandrafiana. Niangavy ary ny tenany mba ho ny tombontsoa iombonan’ny faritra amin’izay no jerena.

J. Mirija