Faritr’Itasy sy Analamanga

Mbola tena mankafy vakodrazana

kolontsaina
Alakamisy 31 Oktobra 2024

Azo lazaina ho faritra mbola tena mankafy vakodrazana ny faritr’Itasy sy Analamanga, raha ny tatitry ny tarika

mpiangaly ity mozika sy dihy malagasy ity, izay mamita fitetezam-paritra amin’ny toerana samihafa amin’izao fotoana izao, Rabejean Miarinarivo. Hipoka vahoaka hatrany izay aleha rehetra, hoy i Rabejean Sodina Vava, mpitarika ny tarika na ny tao an-tampon’Ankaratra izany na ny tao Alarobiavatosola, distrikan’Andramasina, faritra Analamanga. Ho entintsika miakatra ity kolontsaina malagasy sy ny vakodrazana ao aminy ity, hoy izy. Tanjona, araka izany, ny hanabevoho hatrany izay vakodrazana izay mba ho ny malagasy manontolo mihitsy no hahay hankafy ny hatsaràn’izany kolontsaina sy fomba maha izy antsika izany, raha ny fanazavana ihany.
J. Mirija