kolontsaina

Faribolana Sandratra Hanao antsa fanairana ny mpandoro tanindrazana

kolontsaina
Alatsinainy 15 Novambra 2021

Hanao antsa fanairana ny mpandoro tanindrazana etsy amin’ny Ivokolo Analakely ny zoma 19 novambra izao ireo poeta mivondrona ao anatin’ny fikambanana Faribolana Sandratra.

“Hafatry ny zanako ho an’ireo mpandoro tanindrazana” no lohateny nampisalorana ity antsan-tonokalo ity. Ho tsaroana manokana ao anatin’ny hetsika hatrany ny poeta andrarezina efa nodimandry, Elie Rajaonarison, izay mpikamban’ny Faribolana Sandratra rahateo fahavelony. Ny tolakandron’io zoma io izany no fotoana ao amin’ny efitrano teatra Charles Ravaloson.
J. Mirija