kolontsaina

Fara Gloum, Rija Perc, Desp Nitondra mozika akostika tao Anat-Saha

kolontsaina
Alatsinainy 08 Novambra 2021

« Tendry sy kalo rotsirotsy », izay indray no lohateny nampitondrana ny fiarahana tamin’ireo mpanakanto havanana amin’ny vazo akostika nahitana an-dry Fara Gloum,

Rija Perc, Desp tetsy Anat-Saha Andohatapenaka ny takarivan’ny sabotsy teo. Nitondra izay mozika akostika izay tamin’alalan’ny fiantsana ireo hira gasigasy fanomezan-tsiro rehefa faran’ny herinandro, araka izany, ireto mpanakanto ireto. Isany, ohatra, ny sanganasan-dry Voninavoko sy ny an’i Fara Gloum ihany koa mazava ho azy ary ny hira azo hiaraha-mivazo amin’ny feon-gitara sy izay feo akostika izay rehetra. Mahafinaritra foana ato « Anat-Saha », hoy hatrany ny mpikarakara.

J. Mirija