FANOMEZANA FETIN'NY RAY

Ny tee-shirt misy soratra no tena be mpividy

kolontsaina
Alatsinainy 16 Jona 2025

Nankalazaina omaly Alahady 15 Jona ny fetin'ny Ray tamin'ity taona 2025 ity.

Hita ho samy niezaka namalifaly ny Rainy ny isan-tokantrano ho an'ireo izay mbola manana na dia eo aza ny hasarotan'ny fiainana. Nifanitsa-kitro ny mpiantsena teny Analakely ny Sabotsy maraina teo nividy fanomezana ho an'i Dada. Na izany aza tsy nisy ireo nanana teti-bola.manokana. Saika nanodidina ny 5.000 Ar ka hatramin'ny 20.000 Ar no nomanin'ny tsirairay. Ny fehin-kibo, ny famantaranandro, ny akanjo mafana, ny tee-shirt misy soratra no tena be mpividy indrindra, raha araka ny fanadihadiana natao. Nambaran'ireo mpivarotra moa fa tsy tena nitovy tamin'ny nankalazana ny fetin'ny Reny no nanamarihan'ny isan-tokantrano ny fetin'ny Ray tamin'ity taona ity. Nihena ho an-tsasa-manila mantsy ny entana lafo no sady tamin'ilay moramora avokoa.
Pati
Légende : Nifanombahana ny tee-shirt misy soratra manokana teny an-tsena teny !