kolontsaina

Fankalazana ny taom-baovao Malagasy Hiavaka ny fampirantiana, hoy ny mpikarakara

kolontsaina
Alakamisy 04 Aprily 2019

Raha mahatsiaro tena fa Malagasy dia tongava manatrika ny taom-baovao Malagasy, hoy ireo mpikarakara ity hetsika nanomboka omaly izay hifarana ny sabotsy izao ity.

Tsy sasatra izy ireo namerina indray tetsy Analakely fa ny volana martsa na aprily eo foana no tokony hankalazana ny taom-baovao Malagasy. Antony, tamin’ity dia ny zoma 5 aprily no tsinana ny volana ary ny sabotsy no miandoha ny fararano na ilay taom-baovao andro fidiovana. Toy ny mahazatra, misy ny hetsika maro efa natomboka tamin’ireo fampirantiana ny maha Malagasy sy ny fifandraisan’izany amin’ny an’ireo vahiny, izay nampiavaka ny hetsika sy nentina nanehoana ny tsy fiolonolonana, ary mitohy amin’ny fandrehetana ny afo tsy maty anio. Mizotra any amin’ny fitsofan-drano, ny harendrina, ny vary tondrahan-dronono sy tantely ka hatramin’ny fifampiarahabana ny hetsika.

J. Mirija