kolontsaina

Fampivoarana ny kolontsaina Hanampy ny tanora Malagasy ny LCC

kolontsaina
Talata 07 Martsa 2017

Hanampy ny tanora Malagasy amin�ny fifehezana sy ny fampivoarana ny kolontsaina misy ny Centre de langue et de la culture ( LCC) naorin-dRaoelijaona Bodo,

tovovavy mpianatra ho mpampianatra eo anivon’ny Ecole Normale Superieure etsy Ampefiloha. Tafiditra ao ireo kolontsaina misy any ivelany, ny fiteny mampiavaka ny firenena tsirairay avy, izay fomba iray hahafahana manampy ny tsirairay ho tia karokaroka sy hahay hanaja ny fiarahamonina ihany koa, hoy hatrany izy izay tsy mivaona velively ao anatin’ilay teny filamatr’izy ireo manao hoe : « andrianiko ny teniko, ny an’ny hafa koa feheziko ». Tsy mandoa vola fa maimaimpoana avokoa ny fanofanana ireo ankizy tanora mpikambana ao amin’ny LCC amin’ny ankapobeny. Nampiseho ny fahaizany mifehy ny kolontsaina malagasy sy vahiny teo anatrehan’ny fianakaviany sy ny ray aman-dreniny izy ireo ny alahady teo, lanonana notanterahina teny amin’ny IKM Antsahavola. Tsiahivina fa mampianatra mandamina voninkazo amin’ny fomba sinoa ihany koa ny LCC. Io ilay antsoina hoe : Ikebana. Toy izany koa ny Origami, kilalao sinoa izay tena manampy ny tsirairay hanaja fitsipi-pifehezana sy ho tia karokaroka tokoa.

Pati