Fampisehoan’i D Lain sy Denise

Azo jifaina manomboka anio ny tapakila

kolontsaina
Alatsinainy 24 Febroary 2025

Ny 2 martsa 2025 izao, amin'ny 3ora tolakandro, no fotoana ao amin'ny Amphithéâtre CCI ivato

miaraka amin’ireo mpanakanto malagasy azo lazaina hoe tompon’ny angovom-peo ihany koa dia tsy iza fa i D Lain sy Denise. Heverina, araka izany, fa fampisehoana iray hiavaka io. Araka ny fampahafantarana natao moa, ny tapakila dia azo jifaina ao amin'ny «www.ketrika.com» manomboka anio alatsinainy 24 febroary 2025. Misokajy roa izany tapakila izany, izay ahitàna ny Silver, jifaina 40.000 Ariary sy ny Bronze, 30.000Ariary. Azo atao ihany koa ao anatin’izany ny fanaterana na «livraison» eny amin’ireo lalana azo ifanatonana amin’ireo mpanjifa na «point relais» isan-karazany toa an’ireo toerana ahitàna Pho Resto rehetra sy eny amin’ny Vidy Varotra Soanierana, hoy hatrany ny fanazavàna.
J. Mirija