kolontsaina

Fampisehoan'i Njila sy Poopy Mpanohana ofisialy ny Airtel

kolontsaina
Zoma 31 Martsa 2017

Ny alahady 9 aprily ho avy izao, manomboka amin�ny 3 ora folakandro no hotanterahina etsy amin�ny lapan�ny kolontsaina sy ny fanatanjahantena etsy Mahamasina ilay fampisehoana goavambe nampitondraina ny lohateny hoe : �Firaisankina�, tanterahin�i Njila sy Poopy.

Tafiditra ao anatin’ny fankalazana ny faha-40 taona niakaran’ny roa tonta an-tsehatra izany, izay efa misy fan’s club an’alin-kisa. Anisan’ny manohana ofisialy ity hetsika ity ny orinasam-pifandraisana Airtel Madagascar hahafahana manandratra avo ny talentan’ireto mpanakanto Malagasy efa fanta-daza ireto. Tsy mandalo fotsiny mantsy ilay lohateny Firaisankina ho an’ny Airtel Madagascar fa tena mifanaraka amin’ny foto-kevitra izay voizin’izy ireo. Mampanantena ny tarika Njila fa hanao izay ho afany amin’io daty io ary mihoatra lavitra noho izany amin’ny fitsingerinan’ny taona niakarany an-tsehatra. Ny Mah-ki Productions no mpikarakara ny lanonana izay marihina fa mpirevy Njila 100 %, toy izany koa i Poopy ilay mpanakanto vehivavy nivoaka avy tao anaty vondrona. Marihina fa ho avy ao koa i Anyah, Melky, Mahery ary Christian kely hanotrona azy ireo.

Pati