kolontsaina

Fampandrosoana ny faritra Bara Manaitra ny fanjakana ny FITEBA

kolontsaina
Alakamisy 07 Desambra 2017

Mbola lany soa aman-tsara ho filohan’ny firaisankinan’ny terak’Ibara indray Atoa Nakany Charlie.

Nisy ny fananganany birao vaovao hitantana ny fikambanana taorian’izany izay nampahafantariny ny mpanao gazety tetsy amin’ny Telozoro Andrefanambohijanahary, omaly. Nambarany fa tokony hitodika hijery ny asa fampandrosoana any amin’ny faritr’i Bara iny amin’izay ny fitondram-panjakana. Lohalaharana amin’izany hoy izy ireo ny fanomezana asa ny tanora. Tsy tokony ho eto Antananarivo irery no hananganana orinasa afaka haba, hoy ireo mpikambana eo anivon’ny birao satria tsy Antananarivo irery no misy tanora Malagasy. Antony mampirongatra ny tsy fandriampahalemana izany ka mila vahaolana. Hisy moa ny symposium lehibe hotanterahin’ny Firaisankinan’ny terak’Ibara ato ho ato hahafahana mamantatra ireo karazan’olana rehetra sedrain’ny mponina ka voakasika avokoa ireo faritra rehetra mpikambana ao anatiny. Hisy ihany koa ny fampahafantarana ireo karazana loharanon-karena mampiavaka ny faritr’i Bara hahafahana mampandroso ny firenena.

Pati