kolontsaina

Famoronan-kira eto Madagasikara Tsy ampy ny fitaovana hampiroboroboana azy

kolontsaina
Zoma 14 Jona 2019

Anio alina no hanatanteraka seho miavaka nampitondraina ny lohateny hoe “Soavaly metaly” etsy amin’ny Plaza Ampefiloha ny tarika kalazan’ny Rock Malagasy, Kiaka.

Hampiavaka ity seho ity ny fihainoana fotsiny ireo hira nahafantarana ny tarika hatramin’izay, izany hoe, tsy voatery hitsinjahana fa ny lafiny tononkira kokoa no tena natao hankafizina. Ilaina ny fametrahana ivontoerana lehibe natokana hampiroboroboana ny zava-kanto eto Madagasikara, hoy ny mpandraharaha, Tantely Ravoanary. Manomboka mipetraka amin’ny toerany ny lanjan’ny famoronan-kira fa sakana ny tsy fahampian’ireo fitaovana hahafahana manasongadina ny asan’ireo mpanakanto, hoy ity mpandraharaha nisafidy ny hanohana ny tarika ity. Mila fifanomezan-tanan’ny rehetra ny fanandratana ny kolontsaina malagasy, hoy hatrany izy.

J. Mirija