kolontsaina

Partagé sur :
• facebook

Saika nanondrana indray omaly ny mpitandro ny filaminana tamin’ny fametrahana ny tsangambaton’ny Firaisan-kina notanterahin’ireo olobe avy amin’ny foko 18 mpikambana ao amin’ny Komity

Mpikarakara ny taona vaovao iraisan’ny Malagasy eto Madagasikara sy ny komity MAMAFI na Malagasy Mampiray Firenena. Saika nosakanan’izy ireo mantsy ny fametrahana ity tsangambato ity satria tsy nahazoana alalana avy amin’ny prefektioran’Antananarivo, hono, raha nanamafy ireo olobe fa nahazo alalana mazava avy amin’ny fiadidian’ny tanànan’Antananarivo no sady nahazo tso-drano avy tamin’ny praiministra lehiben’ny governemanta ihany koa nandritra ny tafa nifanaovan’izy ireo hatramin’ny 11 ora alina, taorian’ny nankalazana ny taom-baovao Malagasy afaka omaly teny Ambohimanga. Somary gaga sy talanjona ihany araka izany ny rehetra nahita ireo mpitandro ny fiara tamina fiara 4x4 telo izay efa nihatrana niaraka tamin’ny fitaovam-piadiana avokoa. Tsiahivina moa  fa tsangambato natao hampiray ny Malagasy rehetra izy io, nifanaovana dina, no sady tantara hapetraka ho an’ny taranaka ihany koa  raha araka ny fanazavan’Atoa Andriandrainarivo Josephin mpikambana ao amin’ny MAMAFI ka izay mivadika  amin’izany dia Andriamanitra sy ny hasin’ny tany no hitsara azy. Ilaina ny fananganana tsangambato tahaka izao hoy hatrany izy nanohy ny teniny hamerenana ny hasin’ny tany rehefa nandalo fotoana lava ny Malagasy  izay tsiahivina fa namonoana omby mihitsy.

Pati

Tia Tanindrazana

Samia mijoro ho an'i Gasikara.