kolontsaina

Partagé sur :
• facebook

Ny filohan’ny Antenimiran-doholona, Rakotovao Rivo amin’ny maha-mpiavy ela niasana ka nahita soa maro tany Alaotra azy, no nasain’ny fikambanana Fizalaotra « Fikambanan’ny Zanaka Ampielezana teraka ALAOTRA » avy amin’ny distrika 3 : Andilamena,

 Amparafaravola ary Ambatondrazaka, ary tarihan’ny jeneraly Rabearivony Justin ankehitriny, nanokatra ofisialy ny fankalazan’ity fikambanana. Ity ny faha-40  taonany  teny amin’ny hotely Paon d’Or tamin’ny sabotsy 6 aprily teo. Nomarihan’Atoa Rivo Rakotovao tamin’izany fa tokony ho raisin’ny fikambanana Fizalaotra avokoa ireo olona te hitondra ny anjara birikina amin’ity fankalazana ity na dia tsy tena zanaka Alaotra tahaka azy aza. Teo amin’ny fandraisam-pitenena nataony kosa no nilazan’ny jeneraly Rabearivony izay efa filoha faha-5 nitantantana ny Fizalaotra fa raha niainga tany amin’ny fanaovana asasoa nanomboka  tamin’ny taona 1979 niforonany ary niitatra tany amin’ny fikarakarana « voyage organisé » ho an’ireo mpianatra terak’Alaotra nandranto fianarana taty Antananarivo sy fanampiana manokana azy ireo mihitsy teo amin’ny lafiny hahatafitany ny fanarana nataony  izany taty aoriana ary efa misandrahaka amin’ny ezaka ho fampandrosoana ny Faritra niaviana ankehitriny. Nambaran'ny filohan'ny komitim-pankalazana ny faha-40 taona kosa, Atoa Lalaharisaina Joel Valery, fa ny fanompoam-pivavahana ho tanterahina eny amin’ny Ekar Faravohitra ny faha-13 aprily 2019 izao ary ny fitsangatsanganana iombonana eny amin’ny Capucin Ambomalaza ny faha-27 aprily 2019 ary ny fidinana any an-tanindrazana hanatanteraka loabary an-dasy aorian’izay no fandaharam-potoana manaraka amin’ity fankalazana ity.

Ntsoavina Evariste

Tia Tanindrazana

Samia mijoro ho an'i Gasikara.