kolontsaina

Faha 35 taonan’ny tarika Kiaka Mpanakanto maro no hanotrona

kolontsaina
Alakamisy 09 Septambra 2021

Ao anatiny hatrany amin’ny fankalazana ny faha 35 taonany ankehitriny ny tarika mpiangaly Rock Malagasy ela nietezana, Kiaka.

Ho fanohizana izany dia manomana fampisehoana goavana sy miavaka ny tarika ankehitriny. Mpanakanto maro no ho avy hanotrona izany, raha ny fanazavan’I Jocelyn Ralambo Andrianiaina na Ra Joce, isan’ireo mpikambana nanorona ny tarika. Isan’izany i Abasse ao amin’ny tarika Apost, Niry ao amin’ny tarika Iraimbilanja, ny tarika Loharano ary i Jacquot ao amin’ny tarika Green. Ho ampafahantarina tsy ho ela moa, hoy izy, ny daty sy toerana hanatontosana ity fampisehoana tsy hanam-paharoa ity.
J. Mirija