kolontsaina

Faha-30 taonan’ny Faribolana sandratra Nitombo avo 100 heny ny isan’ny mpikambana

kolontsaina
Alarobia 18 Septambra 2019

Nosokafana tamin’ny fomba ofisialy tetsy amin’ny tranombokim-pirenena etsy Ampefiloha omaly ny ivon’ny fankalazana ny faha-30 taona nisian’ireo Poeta sy mpanoratra mikambana eo anivon’ny Faribolana sandratra.

Raha mpanoratra miisa 3 monja no nanangana sy nikambana tao ny 11 janoary 1989 dia efa mahatratra 300 isa izany ankehitriny, hoy Ranoe, anisan’ireo mpikambana ela nihetezana, izany hoe nitombo avo 100 heny. Hanatanterahana ny teny filamatra manao hoe « Iainako ny teniko hanamasina ny taniko. » moa dia maro ireo hetsika hotontosaina manomboka anio toy ny velakevitra hanazavana ireo karazana asa soratry ny mpikambana ary ny sabotsy izao dia hisy ny Paotsatroka ho an’ny mpanoratra J. Nalisoa Ravalitera.

J. Mirija