kolontsaina

Faha 105 taonan’i Dox Tsotsotra ny lanonana teny Andohalo

kolontsaina
Alatsinainy 15 Janoary 2018

13 janoary 1913 – 13 janoary 2018, feno 105 taona ny sabotsy teo ilay poeta malagasy malaza, Jean Verdi Salomon Razakandraina na i Dox.

Teraka tao Manakavaly ny tenany ary nodimandry ny 12 jona 1978 teto Antananarivo, raha ny raki-tsoratra momba ny tantarany. Tsotsotra ny fankalazana ny tsingerintaona nahaterahany tetsy Andohalo, izay fonenany fahavelony, ny sabotsy teo. Anisan’ny hita nanotrona teny an-toerana ireo mpianakavin’ny poeta sy ny tontolon’ny teny Malagasy toy ny jeneraly Desiré Ramakavelo na i Madera sy ny mpanabe William Ratrema, ny solontenan’ny Akademia Malagasy sy ny avy amin’ny tanànan’Antananarivo ary nitarika ny lanonana ny minisitry ny kolontsaina Jean Jacques Rabenirina. Notokanana tamin’io fotoana io ny fefy namefena ny zaridaina fahatsiarovana ity andrarezina ity. Ankoatra ny asa sorany tamin’ny teny malagasy dia nanoratra tamin’ny teny frantsay ihany koa i Dox. Nanan-talenta teo amin’ny sary hosodoko ihany koa anefa ny tenany. Ny tononkalo sonnet no tena nanavanana azy dia ny4-4-3-3

J. Mirija