kolontsaina

Dadagaby -Tarika Voninavoko Nindaosin’ny fahafatesana omaly maraina

kolontsaina
Zoma 01 Jona 2018

Nindaosin’ny fahafatesana omaly alakamisy 31 mey maraina tokony ho tamin’ny 5 ora, Rakotomavo Gabriel, fantatry ny maro amin’ny anarana hoe : Dadagaby, angady nananana sy vy nahitana ny tarika miangaly ny vakodrazana,

Ny Voninavoko. Raha araka ny fanazavan’Atoa Christian, zanany lahy, dia efa nihatsara i Dadagaby no izao nindaosin’ny fahafatesana tampoka izao. Efa nahavita niresaka sy namaly fanontaniana mantsy izy, araka ny fantatra, saingy mbola reraka. Omaly tokony ho tamin’ny 5 ora latsaka anefa dia nambaran’ity zanany ity hatrany fa zary feno rehoka be ny tratrany, ka tsy hitahita akory dia nitarika ny fahafatesany. Mbola tao amin’ny efitrano fameloman’aina hatrany i Dadagaby tamin’io fotoana io. Eny amin’ny trano fonenany eny Ampitatafika ny razana no nandrasana, hatramin’ny omaly. Amin’ny alatsinainy ho avy izao kosa no haterina any amin’ny fasan-drazany any Alatsinaininambazaha ny nofo mangatsiakany. Izahay eto amin’ny gazety Tia Tanindrazana dia mirary fiononana feno ho an’ny fianakavian’i Dadagaby.

Pati