kolontsaina

Colisée anaty rova Ho tokanana amina andro manan-tantara

kolontsaina
Alatsinainy 02 Novambra 2020

Fandrendrehana saim-bahoaka indray ve sa fiantsiana ady ireo mitonona rehetra ho mpandala na mpandalina ny kolontsaina sy ny fomba ary vakoka no anton’ity

fanapahan-kevitra hitokana ny Colisée anaty rovan’Antananarivo ny 6 novambra izao ity? Iarahan’ny rehetra mahalala fa daty manan-tantara eo amin’ny firenena ny 6 novambra 1995. Izany hoe 25 taona amin’io fotoana io no nahamay ity rova ity. Ny Colisée izay averimberin’ireo mpandala sy mpandalina voalaza teo fa kolontsaina greko-raomanina ary tsy nisy ifandraisany na dia kely aza amin’ny tantaram-pirenena sy tantaram-paritra eto Madagasikara. Ry zareo milaza azy ho taranak’andriana moa dia mbola mamerina hatrany fa fanotana fady ny fametrahana ity foto-drafitrasa ity ao. Ny mpahay tantara sy mpahay vakoka efa nilaza fa fanolanana ny tantara izao mitranga izao. Saingy tsy nahasakana ny fitohizan’ny asa izany rehetra izany fa vita ny Colisée ary ho tokanana. Dia ho hita eo indray ny tohiny. ‘

J. Mirija