kolontsaina

Ben’ny tanàna Lalao Ravalomanana Nampifalifaly ireo ankizy teny Analakely

kolontsaina
Talata 19 Desambra 2017

Ankatoky ny fetin’ny krismasy isika amin’izao fotoana ka tsy adinon’ny eo anivon’ny kaominina Antananarivo Renivohitra ny nampifalifaly ireo ankizy miisa 150 isaky ny boriborintany,

hetsika sy asa sosialy efa fanaon’ny eo anivon’ny kaominina. Ny ben’ny tanàna Lalao Ravalomanana mihitsy omaly tolakandro no niara-nikorana sy ny nifaly tamin’ireo ankizy sy ray aman-dreny maro be teny amin’ny Parvis Analakely. Nomarihana tamin’ny fotoam-pivavahana nataon’ny Pasitera Dina mpitarika ny vondrombavaka eo anivon’ny kaominina Antananarivo Renivohitra ny hetsika. Anisan’ny nanafana ny lanonana ny tarika Christophe Ratrema sy Mialy Rakotomamonjy tamin’ny alalan’ny hira ara-pilazantsara natolotra manokana ho an’ireo ankizy. Nizara vatomamy sy bisikitra ho an’ireo ankizy rehetra tonga teo ihany koa ny ben’ny tanàna ary nanararaotra sahady nirary soa azy ireo hahatratra ny asaramanitra sy hanao fety sambatra.

Toky R