kolontsaina

Association des libraires de Madagascar Miezaka manome lanja hatrany ny vaky boky

kolontsaina
Zoma 12 Oktobra 2018

Miezaka manome lanja hatrany ny vaky boky ny “Association des librairies de Madagascar”.

Manatanteraka varotra fampirantiana etsy amin’ny tranombokim-pirenena Anosy izy ireo nanomboka omaly alakamisy, haharitra hateloana. Ankoatra ireo karazam-boky maro isan-tsokajiny anefa dia hita eny an-toerana ihany koa ireo fitaovam-pianarana maro samihafa, amin’ny vidiny mirary. Nambaran’ireo mpikarakara fa ny hamerenana indray ao am-pon’ny olona ny fitiavana boky no tena tanjon’izy ireo, manoloana ny firoborobon’ny teknolojia misy ankehitriny arahin’ny fanampiana ny ray aman-dreny amin’ny fividianana fitaovam-pianarana ihany koa. Anisan’ny mandray anjara amin’ity hetsika ity moa ny Institut Français de Madagascar, izay manana tranoheva ao an-toerana mandray ireo olona tia mamaky boky rehetra, miaraka amin’ny toerana mifandraika amin’izany. Lohahevitra nampitondraina ny hetsika ny hoe : fihaonambe momba ny soratra, ao anatin’ny fidiran’ny mpianatra. Nanokatra ny hetsika ny talen’ny kabinetran’ny minisiteran’ny kolontsaina sy ny vakoka.

Pati