kolontsaina

Aponga Malagasy Hampahafantarin-dRagasy etsy amin’ny AFT Andavamamba

kolontsaina
Talata 02 Aprily 2019

Zava-maneno iray tena manana ny maha izy azy amintsika Malagasy ny aponga, raha araka ny fanazavan-dRagasy, mpanakanto havanana amin’ny fanamboarana sy filalaovana ity zava-maneno iray ity.

Tamin’ny andron’ny mpanjaka fahiny, ny aponga hatrany no hampiasaina rehefa misy fety ao an-tanàna, hoy izy. Anisan’ireny ny fetin’ny Asaramanitra na ny taom-baovao Malagasy izay homarihina eto amintsika amin’izao fiandohan’ny volana aprily izao. Miezaka ny mampahafantatra amin’ny rehetra ny aponga Malagasy etsy amin’ny AFT Andavamamba Ragasy nanomboka omaly fiandohan’ny volana aprily, haharitra dimy andro. Nambarany fa na akora maivana toy ny tady, ny hoditr’omby ary no hampiasaina hanamboarana ny aponga Malagasy dia tena mafy sady miavaka tokoa ary tsy ambakan’ireo aponga maro anaka vita avy any ivelany. Afaka manjifa eny an-toerana izay liana amin’ireto aponga vita Malagasy ireto sady afaka mankafy ny hakantony ihany koa.

Pati