kolontsaina

Antenimieran’ny Andriana Merina Nanao antso avo ho fiarovana ny Rova

kolontsaina
Zoma 29 Mey 2020

Nanao fanambarana omaly ny avy eo anivon’ny Antenimieran’ny Andriana Merina fa nampivarahontsana ny fivaonan’ny kabarin’ny filoham-pirenena

Andry Rajoelina ny 11 aprily 2020 teo amin’ny ataony ao anatirova ankehitriny. Fananganana Coliseum sady tsy misy ifandraisany amin’ny tantara no tsy misy ifandraisany amin’ny marintrano mikasika ny rovan’Antananarivo ary ilay kabary voalaza teo no mitranga ankehitriny. Mampalahelo fa ny fitokisana ny tenin’ny filoham-pirenena mihitsy no voatohina mivantana ankehitriny, hoy hatrany ny AAM. Voahitsakitsaka ny maha masina ny Rova. Foto-pisainana malagasy ny hoe andry 3 no miantoka ny fahamasinan’ny tany iorenany dia ny fasana, ny lapa, ny vatolahy. Ireo no atao hoe Kaodrazana na Fatrange any Atsimo-atsinanana ka ny mpiadidy dia tsy tompony velively fa mpanasina. Te hilaza ve, araka izany, ireto Andriana ireto fa tsy nanao ny adidy fanasinana ny rova ny fitondrana? Nilaza moa ny AAM fa efa nampitandrina ny fitondrana nanoloana io tranga ankehitriny io ny rehetra hatramin’ny sehatra iraisampirenena ka manao antsoavo ho fiarovana ny Rova noho izany izy ireo.

J. Mirija