kolontsaina

Anaty rovan’Antananarivo Tandindomin-doza ny maha vakoka azy

kolontsaina
Talata 26 Mey 2020

Ny gazety iraisam-pirenena frantsay, Le Monde, no namoaka omaly, fa miteraka fifanolanana eo amin’ireo mpahalala momban’ny vakoka malagasy ny zava-manjo ny anaty rovan’Antananarivo ankehitriny.

Tandindomin-doza ny filaharan’ity vakoka iraisampirenena ity eo anivon’ny rafitry ny firenena mikambana na Unesco, raha ny voalaza. Toeram-pilalaovana teatra mahazaka olona miisa 400 vita amin’ny lasi-tsimenitra [beton] no natsangana maika nanomboka ny volana martsa eo amin’ny toeram-pilomanosan’ny mpanjaka Andrianampoinimerina, izay ara-tantara, dia misy fombafomba tokony hatao mialohan’ny hikitihana azy fa raha tsy izany dia hitera-doza ho an’ny firenena. Ankoatra ny maha toera-mana-tantara azy dia manan-kasina teo amin’ny malagasy ihany koa ny rova, hoy hatrany ny tati-baovaon’ity gazety ity.

J. Mirija