kolontsaina

Ambohimanga Rova Mitady tale vaovaon’ny ofisin’ny harem-bakoka

kolontsaina
Talata 10 Novambra 2020

Zava-dehibe ny fikajiana sy fampiroboroboana ny kolontsaina satria maneho ny maha izy azy ny firenena iray, rohy amin`ny taranaka ho avy ary foto-pivelomana.

Voasokajy ao anatin` ny kolontsaina ny harem-bakoka satria haren-tsain` ny olombelona no namokarana azy ireo. Azo atao tsara ihany koa ny mampandroso ny firenena amin`ny alalan`ny kolontsaina sy ny harem-bakoka. Manoloana izany indrindra dia manao tolotr`asa ho an`ireo izay liana amin` ny fitantanana ny Rovan` Ambohimanga ny ministeran` ny serasera sy ny kolontsaina. Hisahana ny fametrahana ny politikan` ny fampiroboroboana ny fizahan-tany sy ny vokatra misy ao aminy ny talen` ny ofisin` ny harem-bakoka eny amin`ny vohitra Ambohimanga Rova (OSCAR). Tafiditra ao anatin` ny fampiroboroboana ny fizahan-tany anatiny moa ny fampandrosoana ny firenena amin` ny alalan` ny ny kolontsaina sy ny harem-bakoka.

Marigny A.