kolontsaina

Partagé sur :
• facebook

Ny orinasa Allo Sakafo ihany hatreto no hany orinasa afaka mamaly ny filàn’ny olona sahiraa nefa te-hihinana sakafo ara-pahasalamana sy mafilotra.

Ny volana Novambra taona 2016 no niforona ity orinasa iray ity. Antom-pijoroany ny  fahitàna ny fahasahiranan’ny olona amin’ny fitohanana sy ny olana ara-potoana ka tsy ahafahan’izy ireny mikarakara sakafo na mamonjy toera-pisakafoanana.  Nitsiry avy hatrany  ny hevitra taorian’izany ka natsangana ny Allo Sakafo.

MAMPIAVAKA AZY

Mampiavaka ny Allo Sakafo  ny fanaterana   sakafo tsara sy ara-pahasalamàna any amin’ny toerana  rehetra misy  ny mpanjifa ho fitsinjovana azy ireny. Tsotra ny fomba fiasany.Miantso ny laharana 033 33 300 30 na 034 11 300 30 ny mpanjifa  iray ary  miteny  ny kaomandiny.   Alain’ilay mpandray antso an-tarobia avy hatrany ny adiresy na ny toerana hanaterana ny sakafo aorian’izany ary tehiriziny tsara ilay laharana telefaonina niantsoan’ilay mpanjifa mba hahafahana miantso ity farany indray rehefa tonga ny sakafo. Marihina moa fa  ora iray sy fahefany aorian’ny komandy no tokony ho  tonga ny sakafo, fandaharam-potoana efa nalamina mihitsy. Ny antony dia  ny mba hahafahana mampiditra ireo tanàna lavitra toa an’Ivato, Sabotsy namehana, ho mpahazo tombontsoa ihany koa. Mampiavaka ny Allo Sakafo ihany koa  ireo karazan-tsakafo misy ao aminy. Anisan’izany nem fruit de mer (6 pces) amin’ny sarany 8.000 Ar, ny  beignet de crevette (10 pces) 7.000 Ar, ny boulette de fruit de mer (10 pièces) 8.000 Ar, ny akoho gasy roti 15 .000 Ar, ny Poulet laqué, ny Steak pané/grillé izay tena ngeza dia ngeza amin’ny sarany 8.000 Ar, ny cochon de lait, ny tsa tsiou….

MANOMBOKA AMIN’NY 10 ORA SY SASANY

Manomboka amin’ny 10 ora sy sasany ny fanaterana ny sakafo isan’andro.  Mitohy amin’ny 11 ora sy sasany izany, amin’ny 12 ora sy sasany, ary amin’ny 1 ora sy sasany folakandro. Mielanelana kely indray izany, dia manomboka amin’ny 03 ora folakandro ny hariva, amin’ny 04 ora, amin’ny 05 ora, amin’ny 06 ora, amin’ny 07 ora ary amin’ny 08 ora alina ny farany.Na izany aza anefa dia misy ny livraison express, izany hoe :  tsy manaraka anio grille io fa latsaka kely 45mn miaraka amin’ny fanamboarana ny sakafo. Mikasika ny  saran-dalana hanaterana ny sakafo kosa dia  noferana  ho 2.000  Ar  raha eto an-drenivohitra sy manaraka ilay grille, ary  4.000 Ar  raha express ka môtô no hanaterana ny sakafo. Rehefa  maharay ny sakafo ny mpanjifa vao mandoa ny sarany rehetra amin’izany.

MIEZAKA NY MANAKAIKY NY MPANJIFA HATRANY

Mikasika ilay resaka tamin’ny facebook momba ny Allo Sakafo tamin’ny faran’ny taona lasa teo dia tsy mitsahatra ny mitondra fanazavana ny tompon’andraikitra ho an’ny mpanjifany.Vao niforona mantsy  ny orinasa tamin’ireny fotoana ireny izay mbola azo lazaina hoe “zaza mandady” ihany tamin’izany satria tsy mbola nianatra nandeha akory. Betsaka ary tsy araka ny noeritreretina anefa ny olona niantso nanao kaomandy taminy  izay nahatratra hatrany amin’ny 2.000 isa. Ny   fanirian’ny tompon’andraikitra anefa  dia ny hanome fahafaham-po ny tsirairay kinanjo  tsy naharaka ireo fitaovam-pitaterana teo am-pelatanany  no sady nisy ihany koa  nisy koa ireo entana lany tampoka tokony handrahoina.  Anisan’ireny ohatra  zana-kisoa nanaovana “cochon de lait” antony  nampikorontana kely  ny orinasa. Nisy araka izany ireo kaomandy sasany tsy voaatitra ka nahatonga ny orinasa tsy nitsahatra ny nanoratra ny fialan-tsiny tamin’ny  serasera ho an’ireo izay tena tratry io olana io.Vao  omaly ohatra dia mbola  nisy nampahatsiahy  mikasika azy io ny tompon’andraikitra  ary dia namaly izany hatrany tamin’ny alalan’ny fialan-tsiny sy ny fanazavana.Manome toky antsika hatrany moa ny Allo Sakafo  fa tsy hiverina intsony mihintsy ny zava-niseho tamin’ny  faran’ny taona  2016 teo satria efa maro ny fanavaozana natao  toy ny fametrahana logiciel fandraisana kaomandy, ny fitantanana ny fanaterahana ny sakafo,  ny fanampiana ny fitaovam-pitaterana, ny fiaraha- miasa amin’ireo mpamatsy akora tena matihanina….

ZAVA-BAOVAO

Tsiahivina moa fa  nitondra zava-baovao be ho antsika mpanjifa ny Allo Sakafo.  Efa misokatra ny point Allo sakafo eto an-drenivohitra, ivon-toerana miara-miasa akaiky amin’ireo toerana efa misy sy malaza eto amintsika mba hametrahan’ny mpanjifa  ny sakafony ao sy ahafahan’izy ireo mipetraka sy misafidy tsara ireo sakafo tiany hohanina. Mametraka mpahandro any amin’ireo toerana ireo   Allo Sakafo ary mitovy tsy misy valaka amin’ ireo sakafo aterina any an-tokantrano na any amin’ny orinasa ny sakafo any amin’reo toerana . Tafiditra ao anatin’izany ny tsirony sy ny vidiny. Ny tanjona dia ny mba hanakaikezana hatrany ny mpanjifa hatrany. Anisan’izany ahitana izany ny ao amin’ny Club 43 Antaninarenina miasa mandritra ny herinandro tsy miato, 24 ora amin’ny 24 ora, ny Trass eny  Tsiadana isaky ny talata sy zoma amin’ny 10 ora atoandro ka hatramin’ny 10 ora alina ary ny Mad délice eny Ampefiloha izay  miasa mandritra ny herinandro tsy miato ihany koa, manomboka amin’ny 07 ora hariva.

Pati

Tia Tanindrazana

Samia mijoro ho an'i Gasikara.