kolontsaina

Airtel Madagascar Manohana akaiky ny fampisehoan’i Njakatiana sy Bodo

kolontsaina
Talata 13 Febroary 2018

Hiara-kankalaza ny fetin’ny mpifankatia i Njakatiana sy Bodo ny alahady 18 febroary ho avy izao.

Etsy amin’ny lapan’ny kolontsaina sy ny fanatanjahantena etsy Mahamasina no hanatanterahana izany manomboka amin’ny 3 ora folakandro. Hanohana ireto mpanakanto malaza ireto ny orinasam-pifandraisana Airtel sy ny Live Prod. Lohahevitra hampitondraina ny hetsika ny hoe : “Mifampitantana”. Tanjon’ny mpanohana ny hahafahan’ny mpankafy rehetra mankafy sy mankamamy ny feo kanton’i Bodo sy Njakatiana, mpanakanto malaza izay mbola tena manana ny maha izy azy tokoa. Tafiditra ao ny fampiroboroboana ny kolontsaina Malagasy izay tena zava-dehibe ho an’ny orinasam-pifandraisana Airtel tokoa, hoy ny tale jeneraliny Atoa Maixent Bekangba. Tsiahivina fa efa 18 taona amin’ity taona ity no niarahan’i Bodo sy Njakatiana nampiara-peo ka naharesy lahatra ny mpankafy rehetra.

Pati