kolontsaina

Airtel beach party Fahombiazana, nahatratra 10.000 ny olona tonga

kolontsaina
Sabotsy 12 Aogositra 2017

Fahombiazana tanteraka no azon’ny orinasam-pifandraisana Airtel Madagascar sy ny F&H tamin’ilay hetsika Airtel Beach Party notanterahina tao Mahajanga ny 06 Aogositra lasa teo.

Nanomboka tamin’ny 11 ora atoandro ny fampisehoana raha tsiahivina, tsy nitsahatra raha tsy ny Alatsinainy 07 Aogositra tamin’ny 02 ora maraina, nohafanain’ireo tarika vahiny sy malagasy maro efa tsy zoviana amintsika intsony. Anisan’ireny Shyn, THT, Odyai, One Lio, Jerry Marcoss nofaranan’ny groupe Togolais Toofan. Afa-po avokoa ny rehetra noho izany, indrindra fa ireo mpiala sasatra tonga tany an-toerana narahin’ny fizarana fanomezana nataon’ny orinasam-pifandraisana Airtel. Raha araka ny fanazavan-dRandrianavalona Bien Aimé, lehiben’ny delegasiona nitarika ireo mpiasan’ny Airtel tany an-toerana moa dia vonona ny hifanome fotoana amin’ny mpiala sasatra rehetra indray ny hetsika “Airtel Beach Party” amin’ny fotoam-pialan-tsasatra lehibe manaraka ho avy io, izay tena mampiombona ny Malagasy tokoa.

Pati