Fampianarana

Zon’ny mpanabe Harafitra ho lalàna

Fampianarana
Talata 30 Oktobra 2018

Tsy hanaiky fotsiny amin’izao fa handrafitra ho lalàna ireo zo tokony homen’ny fanjakana azy ireo mpampianatra mivondrona ao anatin’ny fikambanamben’ny mpanabe manerana ny Nosy.

Izay ihany no lalan-tokana hahafahan’ny fanjakana mamaly ny fitakian’ny mpampianatra, hoy Atoa Théophilio, mpandrindra nasionaly eo anivon’ny fikambanana hisorohana ny fitokonana lavareny toy ny nitranga tamin’ny taon-dasa. Nihaona sy nikaon-doha tetsy amin’ny ENS Ampefiloha ireo mpikambana rehetra nanomboka omaly. Anisan’ny navoitran’izy ireo tamin’izany ireo olana sedrain’ny mpampianatra ankehitriny. Anisan’ireny ireo mbola mandray karama latsaky ny 2 hetsy Ar isam-bolana, eny fa na dia ireo mampianatra any amin’ny faritra ambanivohitra mitoka-monina sy be dahalo aza. Ny 14 sy ny 15 novambra ho avy izao no hotohizan’izy ireo eny amin’ny CCI Ivato izany ho tombontsoan’ny mpanabe Malagasy rehetra.

Pati