Valin’ny Bakalorea

Ireo loharano ofisialy ihany no mahazo mamoaka

Fampianarana
Alarobia 20 Aogositra 2025

Namoaka fanmpitandremana ho an’ny rehetra ny eo anivon’ny minisiteran’ny fampianarana

ambony sy fikarohana ara-tsiansa, miaraka amin’ny Oniversiten’Antananarivo fa voatazona ny fotoana handraisana fanapahan-kevitra farany na «délibération» mialohan’ny hamoahana ny valin’ny fanadinam-panjakàna Bakalorea. Ireo loharano na fantsona ofisialy ihany no mahazo mamoaka izany valim-panadinana izany, hoy ny fanazavàna. Tamin’ity taona ity izany, ankoatran’ireo tabilao misy ny lisitr’ireo mpianatra afaka isak’ireo foibem-panadinana toy ny mahazatra, dia eo koa ireo orinasam-pifandraisana miisa 3 eto amin’ny firenena dia ny Airtel, Yas, Orange. Eo ihany koa ny gazety mpiara-miasa eo anivon’ny News Mada. Mampitandrina ireo loharano tsy nahazo alalana, noho izany, ny Oniversiten’Antananarivo amin’ny fampielezana voka-panadinana tsy araka ny tokony satria tsy maintsy hiafara amin’ny fanenjehana ara-pitsaràna izany. Miantso ireo olompirenena voakasik’izay voka-panadinam-panjakàna izay ihany koa mba ho mailo hatrany.
J. Mirija