Fampianarana

“Vacation” an’ny mpampianatra Tsy maintsy haloa, hoy i Paul Rabary

Fampianarana
Zoma 28 Jolay 2017

Betsaka ireo mpampianatra mitaraina ny amin’ny tsy mbola naharaisan’izy ireo ny “vacation” ny hatreto.

Lohalaharana amin’izany ireo mpampianatra nandray anjara tamin’ny fitsarana ny fanadinana BEPC farany teo izay efa tsy nahazo nanomboka tamin’ny taona 2015. Nambaran’ny minisitry ny fanabeazam-pirenena Paul Rabary fa tsy maintsy aloan’ny fanjakana ireny vola ireny na rahoviana na rahoviana fa tsy very akory. Tsy maintsy ny famoaham-bola tahaka ireny no tapaka avy hatrany rehefa tsy ampy ny eo anivon’ny kitapom-bolam-panjakana, hoy izy. Miankina amin’ny “loi de finances rectificatives” ( LFR) ihany koa ka rehefa miakatra itsy voalohany dia misosa ho azy ny fandoavana azy. Rehefa midina kosa ny LFR dia miantona kely ny fandoavam-bola, tranga izay hiainantsika amin’izao fotoana izao. Na izany aza anefa dia manome toky ny tenany fa tsy maintsy haloa ireny vola ireny. Nampahatsiahiviny manokana fa tsy maintsy mandalo eny anivon’ny DREN sy ny CISCO ny taratasy hahafahana mandray ny vola vao tonga eny am-pelatanan’ireo mpampianatra.

Pati