TRANOM-BOKY MONISIPALY ETSY ANALAKELY

Azon’ireo manana fahasembanana ara-batana hampiasaina tsara

Fampianarana
Zoma 13 Oktobra 2023

Raha anisan’ny nampitaraina fatratra ireo olona manana fahasembanana ara-batana hatramin’izay ny tsy

fahafahan’izy ireo misitraka ireo karazana foto-drafitrasa mijoro fampiasan’ny daholobe dia efa natao mifanaraka amin’izay mihitsy ny tranom-boky monisipaly foibe etsy Analakely. Tsy atahorana ny totohatra misy ao an-toerana fa mety ho an’ireny karazan’olona ireny raha toraka izay ihany koa ny seza hipetrahana raha hamaky boky. Vita tanteraka ary efa misokatra ho an’ny daholobe tamin’ity herinandro ity ny tranom-boky monisipaly foibe etsy Analakely. Nohavaozina manontolo ny fotodrafitrasa izay nampanarahana ny vanin’andro sy ny filàn’ny mponina. Vokatry ny fiaraha-miasan’ny Firenena japoney sy ny région Ile de France no angady nananana sy vy nahitana izany, asa naharitra herin-taona sy tapany teo ho eo. Tanjon’ny mpikarakara ny mba hahafahana manampy ireo mpianatra eto Antananarivo renivohitra amin’ny fanovozam-pahalalana amin’ny alalan’ny boky. Na izany aza afaka miditra ho mpikambana ihany koa ireo olona efa miasa, ny ankizy madinika efa mahay mamaky boky, ny fianakaviana... Ny hahatonga ireo mpikambana hahatratra hatrany amin’ny 3.000 isa ao anatin’ny herin-taona no tanjona raha ny am-pahatelon’izay no nisy teo aloha. $
Pati
Legende : Ity ilay tranom-boky nasiam-panavaozana !