Fampianarana

Toeram-pianarana frantsay eto Madagasikara Hisokatra tsikelikely manomboka ny 11 mey

Fampianarana
Alatsinainy 04 Mey 2020

Nanapa-kevitra ny eo anivon’ny masoivoho frantsay eto Madagasikara fa hiroso amin’ny fanokafana tsikelikely ireo toeram-pianarana frantsay eto an-toerana manomboka ny 11 mey izao.

Antony dia mba ho fitandremana manoloana ny zava-misy ara-pahasalamana eto amin’ny firenena, raha ny fampitam-baovao. Ireo fampianarana hampitain-davitra kosa anefa etsy ankilan’izay dia azo atomboka anio. Manomboka izao kosa dia natao hirosoana tsikelikely ireo fiomanana amin’ny fiatrehan’izay fidiran’ny mpianatra izay. Ao anatin’izany ny resaka mifandraika amin’ny fikambanan’ny mpianatra, ny lafiny ara-pitaovan’ny mpianatra, sy izay ahafahana miaina araka ny tokony ho izy ao anatin’izao ahamehana izao, hoy hatrany ny fampitam-baovao.

J. Mirija