Toamasina

Mpianatra 29 voasoloky, tsy afaka hiatrika bakalorea

Fampianarana
Talata 16 Jolay 2024

Mpianatra 29 avy amin’ny sekoly tsy miankina iray no tsy afaka hiatrika ny bakalorea

ny alatsinainy ho avy izao. Voalaza fa voasolokin’ny talen-tsekoly iray. Mba vonjeo izahay, fa te hiatrika fanadinana izahay, ny fiainanay tanora mihitsy no tadiaviny hopotehina. Voaloa ara-dalàna ny saram-pianarana sy ny saram-panadinana, ary ny antontan-taratasy rehetra. Nasaina nameno dosie saingy tsy nateriny ny dosie, kanefa ny vola saran’ny fanadinana naloa. Miantso vonjy sy vahaolana ho azy ireo ireto mpianatra ireto. Miantso ny fitondram-panjakana sy ny mpitandro ny filaminana handray fepetra hentitra mikasika an’ireo mpampianatra izay miisa 2 no voalaza fa tompon’antoka. Voalaza moa tsy hita izay nanjavonan’ilay Talen-tsekoly izay ambaran’ireo mpianatra fa namitaka azy ireo. Sekoly vaovao vao noforonina moa izy io, ary noho ny fahaizan’ilay mpampianatra mampianatra no nananan’ireo Ray aman-dReny fitokisana, ka nampianatra ny zanany tao, kinanjo izao voasoloky izao.
Toky R