Fampianarana

Teny ibeazana eto Madagasikara Novelabelarina ny anjara toeran’ny fitenim-paritra

Fampianarana
Alarobia 22 Febroary 2023

Tontosa omaly tetsy amin’ny akademiam-pirenena momba ny teny etsy Tsimbazaza ny fanamarihana ny datin’ny 21 febroary eto Madagasikara.

Andro iraisam-pirenena ho an'ny teny ibeazana moa eto no tiana ambara. " Fanabeazana maroteny, antoka hampivoarana ny fanabeazana, ny anjara toeran'ny fitenim-paritra eo amin'ny fanabeazana.", io kosa no lohahevitra niaraha-namelabelatra sy niady hevitra teny an-toerana. Ireo akademisianina malagasy toy ny Pr Jeannot Fils Ranaivoson, mpahaiteny, Harilala Ranjatohery, mpahaitantara, Irène Rabenoro, mpahaiteny mihatra anaty fiarahamonina na “sociolinguistique” moa no isany nitondra ny fomba fijerin’izy ireo tao anatin’izany, raha ny tati-baovao voaray hatrany.
J. Mirija